مجنون ليلى

مجنون ليلى

فرشت عيونى على جبينك حراس

وقفلت عليكى ميييت ترباس
...
قالوا دى ليلى ودة المجنون

وحبة ليها ملوش اساس

ماشفوش ابتسمتك وغمزتك

وفرحة قلبى برؤيتك

بتندهيلى

وترمى منديلك

وعينك تقولى هات منديلى

وبضحكة مكسوفة تخدية

وتسيبى وردة فى كفوفى

وتزيدى تنهيدى وخوفى

وبعدها تغيبى يومين

وانا احلف ميت يامبن

لو ما شفتك لهد الدنيا وابنيها

وافرط ضفايرها واخزق عنيها

واموت كل الخلق واحييها

بس اشوفك

واملى عينى من طلتك

واملى كفوفى من كفوفك

اسرتينى يا بت بغمزتك

حصان جامح فى الخلق طايح

وشالل حركتى

اقول كفاية تضحك عليا

وتقول براحتى

يا بنت الاية يا مجنونة

يا بركان رجولتى

وارجع اغازل احساسك

وعيونى لسة حراسك

وابوس رجلك ومداسك

حنى عليا يحن الكون

وتبقى ليلى وانا المجنون

حنى عليا يحن الكون

وتبقى ليلى وانا المجنون



4-10-2010
Feiby Farag

لية يا عيونى

لية يا عيونى كل ما اغمضك تشوفية ؟
لية فى كل رمشة منك تلمحية ؟
لية معدت...يش شايفة حد غيرة لية ؟
هو اية...................؟
استعمار ................؟
يعنى حقق انتصار
يعنى غلبك
وخلى فيك الليل نهار
هو اية...............؟
اجتياح...............؟
كل الناس بئت اشباح
كل القوة والكبرياء دة كلة راح
هو اية ..............؟
قادر عليك يا قلبي لية
بيجننك بمجرد نظرة من عنية
يمكن عشان رقتة
ولا عشان حنيتة
ولا عشان بيئول كلام مئدرش علية
يمكن عشان نظرة عنية
همسة شفايفة
رقة مشاعرة
يعنى اوصف فية اية ولا اية
طب اعمل اية
رق قلبي لطلتة
لقيتنى واقف فى سكتة
مستنى اشوف حنيتة
مستنى ايدى تلمس ايدية
اسرك يا قلبى
اسرك يا قلبى
وبئيت سجين فى قلبة
اسرك وبئيت تغير من حبيبة
طب حسنة دة ازاى تدارية
ما اصلة رقيق
وكلامة دقيق
وانا اعزل فى هواة غريق
طب ادور على الشط لية ؟
طب اعمل اية ........؟
اروح لمين ينقذنى ؟
اروح لة هو يعنى ؟
ما انا مليش دووا الا فى ايدية
مبروك
مبروك عليك يا قلبى
مبروك عليك الحب بس يارب تئدر علية
استحمل رجفة جسمك كل ما تشوفة
استحمل نظرة عينك وكسوفة
استحمل لما يكلم حد عشان تتجنن وتغيير علية
استحمل كل اللى قولنا علية
بس حتى يا قلبى عذاب الحب
هيكون احسن من اللى كنت فية
حتى لو كان فى قسوة
ضعف الحب فى قلبى قوة
كل عزول يروح يتهوى
انا بائى على الحب وشارية
مبروك عليا الحب ومبروك علية
مبروك عليا ومبروك علية


22\5\2010
Feiby Farag

مدمن فيس بوك

انا اصلى مدمن فيس بوك
افتح شاتة وافصل الوك
اقرا اخبارة وفيها اشوك
ومسيدجاتة عليها اسوك
وكومنتاتة فيها بعوك
مانا اصلى مدمن فيس بوك

مرة سافرت واتأخرت
وعلى بعد اصحابى ماقدرت
الاعراض بانت وفهمت
قولت ياريتنى فى يومها رجعت
وفضلت ادور على النت
انا اصلى مدمن فيس بوك

مش عارف اية اللى حصلى
مانا قاعد قدامة بصلى
كدب اكيد ..بس اللى وصلى
انة مشغل مخى تمللى
اخبار احداث مش بيخلى
خلانى مدمن فيس بوك

تفتكر كدة انا بئى مدمن
وفى صفحاتة بلت واعجن
اصل النت دة حاجة تجنن
مع الاغانى افضل ادندن
دانا لو فاتت ساعة احن
انا اصلى مدمن فيس بوك

حد عندة علاج لحالتى
حد عندة حل لحيرتى
حد يناس بيمر بضيقتى
شكلى معاكم هضيع وقتى
احسن اغير اسمى فى بطاقتى
واخلية مدمن فيس بوك
اخلية مدمن فيس بوك

15\6\2010
Feiby Farag

تابعونا على فيس بوك

http://www.facebook.com/home.php?sk=h#!/pages/Feiby-Farag-lyrics/123369114357690                                                                                                                             

جبتى اخرك معايا

جبتى اخرك معايا

وانتهت قصة هوايا
...
وبئيت بكرهك وبشدة

وبكرة ابص فى المرايا

وبئيت بخاف منك

والكل خايف ويايا

واخرها هتكون جناية

اخرها هتكون جناية

قلبى ضايع ومسافر

هربان من ظلم غادر

ملامحك اللى اتبدلت

وضفايرك اللى اتبهدلت

وستايرك اللى ضللمت

وكتبتى كلمة النهاية

معدش ليك عيش معايا

قلبى فاقد الهوية

معدش لية غيرك وطن

ودموعى فيها امواج عتية

كسرت جدران الزمن

وخرجتنا لمصير مجهول

ونسينا خلاص اكل الفول

نسينا اسرة وطبلية

ملمومة ساعة عصرية

ضمرتى كل شىء جوايا

وجبتى خلاص اخرك معايا

كنتى انت حبيبتى

افديكى بدمى وطبتى

وبالطيبة ردتلك طابا

وبدمى خضرت خرابة

بعد دة كلة جزائى غدرك

يبئى خلاص كدة جبتى اخرك

خلاص تعبت من الجرى فيكى

وتعبت من عتابى ليكى

ونسيت خلاص انسانيتى

ومن غلاكى قلت يا لهووووووووووووووووووووووووتى

وانتى مفيش ولا فايدة فيكى

بتكوينى وترمينى

وتشكينى وتبكينى

وفى الاخر تصلحينى

يا خى دا بعدك انتى اصلك

خلاص خلاص جبتى اخرك

وبركانى ثاااااااااااااااااااااار

ومعدش ينفع انى ارجع فى القرار

بركانى ثار وخد فى وشة بيوتك

ودنيتك وجبروتك

معدش بيهمنى كلامك او سكوتك

صدقينى لاهجرك واسيبك

يمكن تراجعى نفسك

وتصلحى عيبك

بس المهم تنسى هوايا

مانتى جبتى اخرك معايا

نزلى تتر النهاية

على جثة مواطن حبك

على جثة مواطن حبك


13-9-2010
Feiby Farag

كلمات

كلمات كتبتها يدى


عن شعور مبتدى
...
وحلمت بأنى احياها

الى نهاية مقصدى

كلمات بحروف عاج

خطفت انفاسى باستدراج

حملتنى على رأسى تاج

رصع بأحجار الزبرجد

كلمات كانت منسية

اتت من عصور ذهبية

كونت قصائد شعرية

وقف لها السُجَّد

كلمات وصفت عشقنا

لونت بلون كرمنا

وتوجت فى عرسنا

بشعاع ليل سَّرْمَدى

انتشلت احلام الصبا

وطارت بنا فوق الربا

وضاعت منا معاتبا

عصرت حبوب عنقدى

لفظت حياة خارج حياة

وبعثرت جلمود شذاة

وكونت قصائد أأأأة

بكل حرف ابجدى

وحولت اصدافى شوكا

و كَسَّرت ضلوعى شكا

وصنعت فى عقلى دبكا

انغامها قلائدى

انتهت كل القصص

ودفنت كل الجثث

وانتهت كل المراسم والمراسى

دُفُنت يوم مولدى

انتهت قصة مماتى

وابتدى عهد سكاتى

وما تبقى لى كلماتى

كلمات كتبت بيدى

بها نهاية لم تبتدى

بها مأسى دنيتى

لثوب اسود يرتدى

وظلت صفحتى للون الابيض ترتدى



5\9\2010Feiby Faraghttp://www.facebook.com/pages/Feiby-Farag-lyrics/123369114357690

مستعجل

مستعجل النتائج مستعجل الاجابة
مستعجل رد فعلة اشوف منة استجابة
متهور مجنون ..غزال شارد فى غابة ...
ماشى انطح فى الكون واللى معشرنى غلابة

مستعجل مربوك ودماغى فيها شكوك
شاكك انة مش دارى وشكل دماغى مفكوك
على طول ساكت وبدارى على طول شارد مربوك
على طول مئفول على نفسى وقلبى علية مسكوك

مستعجل انى اشوفك مستعجل على المقابلة
اجرى مغمض عنيا دانت بعنيا اولى
سبت كل اللى ورايا علشان انت ابدى
حتى المترو هيدسنى مع انى جيت على عجلة

عديها مانا مستعجل مش مركز فى الكلام
حتى الصورة اللى فى بالى روسومات وشوية اوهام
مستعجل اشوف بعنيا وارسم صورة حقيقية
لما هقبلك مش هستعجل لو مر علينا ايام

مستعجل مستعجل مستعجل علشان اقابلك
علشان ايدى تدوب فى ايدك وعينى تسبح فى مشاعرك
واعمل عملية انتحارية اعبر فيها اسوار قلبك
واسرح فى دنيا الكمال واتوة وارجع وانا جنبك

عايز كل دقيقة الائى حجة واجى اسلم
عايز عينى تبوح لعينيك باللى فيا منغير ماتكلم
عايز من همسك درس خصوصى افضل قدامة اتعلم
حبك فى الدنيا رجائى وعمرى فى حضنك يوم ما أتألم


22\6\2010
Feiby Farag